काठमाडौं,१८ बैशाख । परराष्ट्रमन्त्री शिशिर खनालसँग दक्षिण तथा मध्य एसियाका लागि अमेरिकी राष्ट्रपति डोनाल्ड ट्रम्पका विशेष दूत सर्जियो गोरले शिष्टाचार भेट गर्नुभएको छ । उहाँहरुबीच आज परराष्ट्र मन्त्रालयमा भेटवार्ता भएको हो ।

भेटवार्ताका क्रममा नेपाल–अमेरिका सम्बन्धलाई अझ सुदृढ र प्रभावकारी बनाउने विषयमा छलफल भएको थियो ।

विशेषगरी लगानी प्रवर्द्धन, व्यापार विस्तार तथा आर्थिक सहकार्य अभिवृद्धिमा केन्द्रित रहेर दुवै पक्षबीच विचार आदानप्रदान भएको थियो । भेटले नेपाल र अमेरिकाबीचको द्विपक्षीय सम्बन्धलाई नयाँ उचाइमा पुर्‍याउने विश्वास व्यक्त गरिएको छ ।