काठमाडौं,११ पुस। हर्क सम्पाङ नेतृत्वको श्रम संस्कृति पार्टीले गरेको कारबाही गरेपछि उपाध्यक्ष डा. मित्र परियारले नेपाली कम्युनिस्ट पार्टी रोजेका छन् । प्रचण्ड निवास हात्तीवन पुगेर परियार आज बिहान
नेपाली कम्युनिस्ट पार्टीमा प्रवेश गरेका हुन्। संयोजक प्रचण्डले उनलाई पार्टीमा स्वागत गरेका थिए ।

बुटवलमा ५ पुसमा भएको कार्यक्रममा उपाध्यक्ष परियारले आयोजकप्रति गरेको व्यवहारले ठीक नभएको भन्दै अध्यक्ष साम्पाङले कारबाही गरेको जानकारी सामाजिक सञ्जालमार्फत दिएका थिए ।

परियारलाई पार्टी प्रवेश गराउँदै प्रचण्डले उनीजस्तो प्राज्ञिक व्यक्तित्वलाई पार्टीमा स्वागत गर्न पाउनु खुसीको कुरा भएको बताए ।