सियोल । दक्षिण कोरियाको सबैभन्दा ठूलो ट्रेड युनियन संगठनले राष्ट्रपति युन सुक एलको राजिनामा माग गर्दै हडताल आह्वान गरेको छ। १० लाख भन्दा बढी सदस्य भएको ट्रेड युनियनले युनले राजीनामा नगरेसम्म हडतालको आह्वान गरेको हो ।

दक्षिण कोरियाको सबैभन्दा ठूलो श्रम युनियनहरूमध्ये एक कोरियन कन्फेडेरेसन अफ ट्रेड युनियनले आफ्ना सदस्यहरूलाई राष्ट्रपति युन सुक योलले राजीनामा नगरेसम्म हडतालमा उत्रनआह्वान गरेको छ।

कोरियाली राष्ट्रपतिले लगाएको मार्शल ल संसदले गरिदियो खारेज, १९० का विरुद्ध शून्य मत
फेसबुकमा एक पोस्ट गर्दै युनियनले युनको छोटो अवधिको मार्शल लको घोषणालाई ‘विद्रोहको अपराध’ भनेर वर्णन गरेको छ, जबकि यस कदमको विरोध गर्न आफ्ना १० लाख भन्दा बढी सदस्यहरूलाई सियोल र अन्य क्षेत्रीय स्थानहरूमा भेला हुन आह्वान गरेको छ। ।

ूयुन सुक–योलले आफ्नो राजनीतिक जीवन विस्तार गर्न मार्शल लको तर्कहीन र अप्रजातान्त्रिक विधिलाई छनोट गरेका छन् किनभने उनी किनारमा धकेलिएका छन् । समूहले यसअघि एक विज्ञप्तिमा भनेको थियो।जनताले यसलाई माफ गर्दैनन्। उनीहरूले मार्शल ल घोषणा गर्ने शासनको नियति सम्झन्छन्। सो सगठनले भन्यो।राष्ट्रपतिले लगाएको मार्शल ल त्यहाँको संसदले केही बेरमा नै खारेज गरिदिएको थियो ।

संसदको १९०–० मतले राष्ट्रपतिको कदम खारेज भए पछि उनले मध्यरातमा आफ्नो सो कदम फिर्ता लिएको घोषणा गरेका त छन् तर विपक्षीसहित देशका अन्य संगठनले राजीनामा दिनु पर्ने माग गरेका छन् ।

संसदले उनको कदममा बन्देज लगाएपछि उनी सार्वजनिक स्थलमा देखिएका छैनन् । र आजको सबै कार्यक्रम रद्द भएको राष्ट्रपतिको सचिवालयले जनाएको छ।