काठमाडौं।सशस्त्र प्रहरी बल नेपाल सम्बन्धी विधेयक,२०८१ को मस्यौदामाथि आज छलफल भएको छ ।

गृहमन्त्री रमेश लेखकको प्रमुख आतिथ्य तथा सशस्त्र प्रहरी महानिरीक्षक राजु अर्याललको उपस्थितिमा सशस्त्र प्रहरी बल, नेपाल प्रधान कार्यालय स्वयम्भू हलचोकमा भएको छलफल कार्यक्रममा निमित्त गृहसचिव नारायण प्रसाद भट्टराईले कार्यक्रमको उद्देश्य र विषयबस्तु माथि प्रकाश पार्नुभएको थियो ।

यसैगरी गृह मन्त्रालय कानून महाशाखाका सह–सचिव भरतमणी रिजाल र सशस्त्र प्रहरी बरिष्ठ उपरीक्षक युवराज अर्यालले सशस्त्र प्रहरी बल, नेपाल सम्बन्धमा व्यवस्था गर्न बनेको विधेयक, २०८१ को मस्यौदा प्रस्तुतीकरण गर्नुभएको थियो ।

१६ वर्षे पेन्सन अवधी,अवकाश उमेर हद, ३० वर्षे सेवा अवधी लगायतका विषयहरुमा छलफल गरिएको थियो ।
कार्यक्रममा सशस्त्र प्रहरी अतिरिक्त महानिरीक्षकहरु गृह मन्त्रालयका पदाधिकारी,तथा सशस्त्र प्रहरी बल नेपालका बरिष्ठ अधिकृतहरुको सहभागीता रहेको सशस्त्र प्रहरीले बलले जनाएको छ।