काठमाडौं,५ पुस ।प्रधानमन्त्री केपी शर्मा ओलीको सिफारिसमा रास्ट्रपति बाट औपचारिक रुपमा संसद विघटन भएपछि बसेको सत्तारुढ नेकपाको स्थायी कमिटी बैठकले पार्टी अध्यक्ष ओलीलाई अनुशासनको कारबाहीका लागि केन्द्रीय कमिटीमा प्रस्ताव लाने लगायत ४ निर्णय गरेको छ ।

बालुवाटारमा आइतबार बेलुकी कार्यकारी अध्यक्ष पुष्पकमल दाहालको अध्यक्षतामा बसेको बैठकले प्रधानमन्त्रीसमेत रहेका अर्का अध्यक्ष ओलीलाई अनुशासनको कारबाहीका लागि सिफारिस गर्ने, केन्द्रीय कमिटी बैठक पुस ७ गतेका लागि बोलाउने निर्णय भएको प्रवक्ता नारायणकाजी श्रेष्ठले जानकारी दिए । यस्तै, बैठकले प्रधानमन्त्रीको संसद् विघटनको कदम असंवैधानिक, अलोकतान्त्रिक, निरंकुश र जनादेशविरुद्ध भएको ठहर गर्दै खेद व्यक्त गरेको प्रवक्ता श्रेष्ठले जनाए ।