काठमाडौं, १४ भाद्र।संक्रमणको दर बढेजस्तै नेपालमा कोरोना भाइरसका कारण मृत्यु हुनेको संख्या पनि बढ्दै जान थालेको छ। शनिबार एकैदिन २० जना कोरोना संक्रमितहरुको मृत्यु भएको पुष्टि भएको छ।पर्सा र महोत्तरीका ३/३ जना, काठमाडौं, भक्तपुर र ललितपुरका २/२ जना, सिराहा, पाल्पा, कास्की, गोरखा, बारा, मोरङ, रौतहट र नवलपुरका एकएक जनाको पनि मृत्यु भएको छ ।

स्वास्थ्य तथा जनसख्या मन्त्रालयले भने शनिबार अपरान्हको नियमित प्रेस ब्रिफिङका क्रममा १२ जनाको मृत्यु भएको औपचारिक घोषणा गरेको थियो । यसमा महोत्तरीका ३, पर्सा, बारा, मोरङ, रौतहट र नवलपुरका एकएक जनाको तथ्यांक जोड्न भने मन्त्रालयले आज सार्बजनिक गर्ने छ।